Geguritanku

Kuliyah

Dening: furwanti utami

Kuliyah...

Akeh wong ngomong kuliyah gampang kaya empol pinecok

Gampang olih kanca

Gampang olih sangu akeh

Gampang lunga ngendi bae

Apa maneh sing rangga salira

Iya iku kuliyah kang mung abang- abang lambe

Kuliyah...

Akeh wong ngomong kuliyah iku kaya  bumi karo langit

othak- athik didudut angel

saben dina ana tugas

saben dina presentasi

melu rene melu rana

adoh saka pamujaning ati

kuliyah kang nggawe gadho ati

kuliyah kang rasane kaya legi brutawali

kuliyah...

kuliyah iku ora mung papat K

kos, kantin, kampus, kencan

ning kuliyah iku sejatine ngangsu kawruh

kuliyah iku aja kaya aji godhong garing

Kuliyah..

Tugas akeh, dhuwit kurang,

Saben minggu mesthi bae bayaran

Kuliyah iku ora kaya semut marani gula

Ah.. apa iku kuliyah?

Akeh wong ngomong kuliyah kaya munggah gunung

Ben dhuwur pangkate

Ning nyatane nggawe sikil lan sirah mubeng

Bar kuliyah  akeh wong kang ngekep dengkul

Kuliyah, kuliyah, kuliyah

Apa toh sing dikarepke kuliyah iku?